🏃‍♀️👨‍👩‍👧‍👦Mahasarika olona maro na ankizy, na tanora, na olon-dehibe ny Kerimesy Lehibe karakarain’ny Hery Fiarovana sy Filaminana, izay ivondronan’ny Tafika Malagasy, ny Polisimpirenena ary ny Zandarimariam-pirenena. Tontosaina eny amin’ny Kianjan’ny Barea Mahamasina nanomboka ny Talata 10 jona teo ary tsy hifarana raha tsy ny Alakamisy 19 Jona ho avy izao ity kerimesy ity.
👮‍♂️👮‍♀️Maro samihafa ny zavatra hita sy azo tsidihina eny an-toerana, toy ny fampirantiana ny tantaran’ireo Hery Fiarovana sy Filaminana, eo ihany koa ireo hetsika manome fahafaham-po ho an’ny mpitsidika amin’ny alalan’ny kilalao sy fialamboly maro.🎳
🚁🛩Hita eny an-toerana ny fakàna sary miaraka amin’ireo fitaovana fampiasan’ny mpitandro filaminana toy ny elikoptera, fiaramanidina, fiara mifono vy ary ny bemoto fampiasan’ny Polisimpirenena.
🔫🎭Anisan’ny mahasarika ny maro ny « Stand de tir » ahafahana manandrana mitifitra amin’ny basy fanaovana fanazaran-tena. Efa misy eny an-toerana ny fivarotana sakafo sy tsakitsaky isan-karazany. Ho an’ny tanora dia misy ny tranoheva manokana fampahafantarana momba ireo sekoly hidirana ho Miaramila, Polisimpirenena na Zandary.
✅Tena maro tokoa ny ankizy sy ny fianakaviana tonga mitsidika sy mandray anjara amin’ity hetsika lehibe ity.