-‎Ady amin’ny heloka mamoafady sy ny herisetra ara-nofo
-‎Lehilahy iray 32 taona no voasambotry ny Polisimpirenena avy ao amin’ny Sampan-draharaha misahana ny ady amin’ny heloka anabaka (Cybercriminalité) Anosy ny Talata 10 febroary 2026.
– Naharay fitoriana avy amin’ny vehivavy miisa roa ny Polisimpirenena, noho ny fanolanana sy fikasàna hanaparitaka horonantsary mamoafady nalain’io lehilahy io an-tsikosoko tamin’ny fotoana niarahany ary miampy fitakiana vola tsy amin-drariny izany.
– Fantatra nandritra ny fanadihadiana nataon’ny Polisimpirenena fa hiarahan’ity lehilahy ity ireo vehivavy ireo ary omeny zava-mahadomelina mampalemy ka tsy afaka mamaly amin’ny filan-dratsiny, no sady alainy sary. Rahonany aorian’izay fa ho aparitaka ny horonan-tsary raha tsy manome vola azy na manaiky miaraka aminy ihany.
-‎ Nandritra ny famotorana dia niaiky ny heloka vitany ity lehilahy ity. Tratra tany aminy ihany koa ny porofo rehetra tamin’ireo heloka ireo.
‎Natolotra ny fampanoavana ny 16 Febroary 2026 ny raharaha ka nidoboka am-ponja eny Tsiafahy ity lehilahy ity.