Ahoana ny famantarana ny hosoka amin’ny cryptomoney sy ireo mpisoloky ho mahay mampitombo vola ao anaty facebook ?
– Milaza fa manome tombom-barotra 100% ka hatramin’ny 500% anatin’ny fotoana fohy izy. Izany hoe tolotra tena mahasarika hatrany no ataon’ireo mpisoloky
-Misy fanerena an-kolaka na mivantana amin’ny fotoana takiany andefasana ny vola.
-Misy fangatahana sarany miafina hatrany ataon’ireo mpisoloky : saran’ny « famoahana », « fanovàna », « fanamarinana »
-Rehefa nalefanao ny volanao dia mitaky vola hafa mihoatra foana ireo mpisoloky. Aorian’izay izy tsy hita intsony mihitsy
-Fifandraisana amin’ny tambazotra sosialy : amin’ny ankapobeny, ny tena orinasa eo amin’ny sehatry ny fampiasam-bola tsy mifandray amin’ny Facebook ka mila mailo hatrany raha mahita ranty momba izany.
-Fomba fiarovana
– Tsy azo atao ny mandefa vola amin’olona tsy fantatrao mihitsy fa miafina ambadiky ny facebook na internet.
– Hamarino ny fahazoan-dalana momba ny orinasa fampiasam-bola.
– Hamarino hatrany ireo « plate forme » sy ranty hidirana amin’ny fampiasam-bola amin’ny cryptomonnaie
– Aza mizara teny miafina MVola, Orange Money na Airtel Money anaty internet na facebook.
– Mametraha foana ahiahy raha mangataka « saran’ny famoahana » aminao ilay orinasa.
– Dinihina miaraka amin’ny fianakaviana sy namana mialohan’ny hanao fampiasam-bola lehibe.
– Tsara ny miezaka manovo fahalalàna momba ny cryptomonnaie mba hisorohana ny fitaka mialohan’ny hidirana amin’io sehatra io
– Inona no hatao raha lasibatry ny hosoka ianao?
– Manaova fitoriana any amin’ny biraon’ny Polisimpirenena akaiky anao indrindra.
– Tehirizo ny porofo rehetra (sary alaina, tapakila, laharana).
– Ampandreneso ny havanao sy ireo namana mba tsy hahatafiditra azy ireo amin’io fisolokiana io.
– Aza mandoa vola intsony, na miaro fandrahonana aza.