👉 Fiarovana ny zaza amin’ny heloka mamoafady
🚔 Vehivavy iray 24 taona no voasambotry ny Polisin’ny Cybercriminalité Anosy noho ny fivarotana sarina zaza tsy ampy taona amina teratany vahiny.
🌐 Firaha-miasa avy amin’ny Interpol any Angletera no nahalalana ny fisian’ity tranga ity noho ireo sarina zaza tsy ampy taona mivoaka amin’ireny tambajotra miafina (Darkweb) fivarotan-tena ireny.
⛔ Zaza 11 taona, 13 taona ary 15 taona ireo zaza ireo.
💵 Amidin’ity vehivavy ity 150 000Ar ny sarin’ny zaza iray ary efa naharitra teo amin’ny roa volana teo no nanaovany izany. Marihana fa efa mpanao ity asa fivarotan-tena ity amin’ny tambajotran-tserasera ity vehivavy voasambotra ity.
⚖️ Natolotra ny fampanoavana ny 12 Novambra 2025 ka nidoboka am-ponja eny Antanimora.
📜 Araka ny lalàna laharana 2014–006 mifehy ny heloka anabaka, nivoaka ny 19 jona 2014 dia enjehina ary mampigadra ny famoronana, fanapariahana, fivarotana, fividianana na fijerena sy fitsirihana matetika horonan-tsary mamoafady misy zaza tsy ampy taona.
👩‍⚖️ Raha ny lalàna hatrany dia heverina fa tsy tompon’andraikitra feno amin’ny fihetsika ataony ny zaza latsaky ny 18 taona, ka noho izany dia tsy manan-kery eo anatrehan’ny lalàna ny filazàna fa nanaiky na tsy noterena ny zaza tsy ampy taona amin’ny famoronana horonan-tsary mamoafady.