– Ady amin’ny tsy fandriam-pahalemana
– Nandritra ny fisafoana nataon’ny Polisy teny amin’ny faritra Tanjombato sy Ankaraobato iny no nifanena tamina lehilahy iray nitondra entana maromaro izay nampiahiahy ireo mpitandro ny filaminana.
– Rehefa nosavaina ireo entana sy kitapo teny aminy dia nahitàna saron-tava, baoritra roa misy menaka tsy mbola vaky, kitapo iray nisy sabatra sy antsy lava, fitaovana fanapahana vy izay fampiasan’ny olon-dratsy amin’ny vaky trano ihany koa.
– Tsy lavitra teo amin’ny nahatratrarana ity jiolahy ity dia nisy moto cross ihany koa izay fantatra nandritra ny fanadihadiana fa entana avy nangalarin’izy ireo avokoa.
– Fantatra ihany koa fa nisy namana roalahy niaraka taminy ity jiolahy ity ka nentina teny amin’ny biraon’ny Polisy izy hanokafana fanadiana sy hahafahana mikaroka ireo namany.