✅ Natao androany faha 08 Aprily 2025 tao amin’ny Minisiteran’ny Raharaham-bahiny Anosy ny fivorian’ireo komisiona miandraikitra ny lafiny fandriampahalemana sy fiarovana, ho fanomanana ny Fihaonana an-tampony ny Commission de l’océan Indien (COI) atao eto Madagasikara.
➡️Ity fivoriana ity dia nampivondrona ireo Minisitera rehetra voakasika eo anivon’ny Hery Fiaroavana sy Filaminana na ny FDS ( Polisimpirenena, Tafika, Zandarimaria) izay tompon’andraikitra mivantana eo amin’ny sehatry ny fiarovana sy filaminana, ho fanamafisana ny fandaminana rehetra amin’ity
fihaonambe iraisam-pirenena hatao eto Antananarivo Renivohitra ny faha 24 Aprily 2025 ity.
➡️Tanjona amin’izany ny mba ahafahana mifanakalo hevitra sy mandrindra miaraka amin’ireo komity nasionaly mpikarakara isan-tsokajiny, ahitana komisiona sivy miantsehatra amin’ny lafiny maro, ary hitambaran’ireo solontena avy amin’ny Fiadidiana ny Repoblika, ny Primatiora ary ny Ministera rehetra voakasika mivantana.
➡️Anisan’ireo nanatrika ny fivoriana teny an-toerana ny Minisitry ny Raharaham-bahiny, Ramatoa RASATA Rafaravavitafika, ny Minisitry ny Filaminam-bahoaka, ny Inspecteur Général de Police RAKOTOARIMANANA Herilala, ary ny Minisitry ny Foloalindahy, ny Jeneraly SAHIVELO Lala Monja Delphin, niaraka tamin’ireo tompon’andraikitra samihafa ao anatin’ireo komisiona eo anivon’ny minisitera tsirairay avy.