👉Fampanarahan-dalàna, fanabeazana
✅Tontosa tao amin’ny kianja monisipaly ao Manakara ny 11 mey 2025 ny fiofanana natokana ho an’ireo mpamily cyclo-pousse nokarakarain’ny Kaominina Manakara niaraka tamin’ny Polisimpirenena.
Natao izao fiofanana izao mba ho fampianarana ireo lalàna mifehy ny fifamoivozana sy fampahafantarana ireo fandikan-dalàna mahavoasazy. Nisy ihany koa ny fampianarana hikojakoja sy hanaja ireo fananana iombonana.
✅Ny Ben’ny Tanànan’i Manakara, Andriamatoa Henderson ANDRIANASOLO no nanokatra tamin’ny fomba ofisialy ny hetsika, izay notarihin’ny Komandin’ny Polisy Monisipaly, ny Brigadier Chef de Police BERNARD De Paul, izay sady tompon’andraikitra voalohany ny fiofanana.
➡️Mpamily miisa 1097 no nandray anjara sy nahazo tombontsoa tamin’izao fiofanana izao. Antenaina ny fahatsapan-tenan’ny tsirairay sy fandraisana andraikitra ka hahatonga ny fampiharana amin’ny asa andavanandro ny fahalalàna sy fahaiza-manao azony taorian’ity fiofanana ity.