– Niroso tamin’ny andro faharoa, ny 03 Martsa 2026 ny Fikaonandoham-pirenena izay ataon’ny Polisimpirenena. Teny amin’ny Sekolim-pirenena Ambony ho an’ny Polisy (ENSP) Ivato no nanatanteraka ny dinika sy ady hevitra ireo mpizaika amin’izany.
– Voasolo tena avokoa ny laharam-boninahitra rehetra ao amin’ny Polisimpirenena. Nizara tamin’ny asam-baomiera ireo mpizaika tamin’ity andro faharoa ity.
– Nisy ihany koa ny fandraisana manokana ireo Talem-paritry ny Filaminambahoaka niarahana tamin’ny mpitantana avy ao amin’ny Minisitera foibe. Nitarika izany ramatoa Sekretera Jeneralin’ny Minisiteran’ny Filaminambahoaka, ny Contrôleur Général de Police RANJAVOLOLONA Julie Claudette.
– Marihana fa dingana ihany ity tontosaina eto Antananarivo ity, ho fanomanana ny fikaonandoha izay mbola hitohy any amin’ireo Faritra manerana ny Nosy. Aorian’izay ny fandravonana ireo hevitra rehetra.