🤝 Polisimpirenena manakaiky ny vahoaka
📅 Tontosa ny 18 oktobra 2025 tao amin’ny Tranompokonolona Tsiroanomandidy ny fampiofanana natokana ho an’ireo lehiben’ny Fokontany miisa 16, « quartiers mobiles » ary mpikamban’ny andrimasom-pokonolona, nokarakarain’ny DRSP Bongolava ho fanamafisana ny fiaraha-miasa amin’ny Polisimpirenena sy ny manampahefana eo an-toerana.
📚 Nampitaina tamin’ireo mpandray anjara ny lohahevitra momba ireo lalàna mifehy ny Fokontany sy ireo andraikitra hiaraha-manana eo amin’ny Polisimpirenena sy ireo vondron’olona ifotony amin’ny fametrahana fandriampahalemana maharitra.
🔷 Fanohizana sy fanamafisana ny Politikan’ny Polisimpirenena manakaiky ny vahoaka ny fikarakarana hetsika tahaka izao. Maherin’ny 150 ireo tompon’andraikitra eny ifotony no nandray anjara tamin’ity fiofanana ity.