– Ady amin’ny halatra sy fametrahana fandriam-pahalemana maharitra
– Nandritra ny asa fisafoana nataon’ny Polisy tao amin’ny faritry ny tetezan-dRamala, eny Isotry iny ny tolakandron’ ny 06 Desambra 2025, dia olona enina (06) no voasambotra tamin’ny resaka harom-paosy, tratra ambodiomby avokoa izy rehetra.
– Mpivady iray niantsena teny an-toerana no efa lasibatr’izy ireo ihany koa talohan’izay ka nametraka fitarainana tamin’ireo Polisy miasa eny an-toerana.
– Zaza tsy ampy taona avokoa ny 5 tamin’ireto mpangarom-paosy ireto ary efa nentina teny anivon’ny Polisy misahana ny heloka mamoafady sy fiarovana ny zaza (PMPM) Tsaralalàna mba hanokafana fanadihadiana.
– Ny iray tamin’ireo voasambotra kosa dia lehilahy 32 taona, ary fantatra fa izy no mpaniraka sy mpamporisika ireo zaza ireo amin’ny fanaovana harom-paosy.
– Ny Polisimpirenena dia manentana ny olom-drehetra mba hitandrina sy ho mailo hatrany rehefa eny amin’ny toerana be olona, indrindra amin’izao fahatongavan’ny vanim-potoan’ny fety izao, fa tsy kely lalana ireo mpanao ratsy tahaka ity tranga iray ity, izay tsy vao voalohany no nahitàna ny tahaka izany.