– Notontosaina teny Ambatomirahavavy ny Zoma 30 Janoary 2026 ny fambolen-kazo nataon’ny Minisiteran’ny Filaminambahoaka, notarihin’ Andriamatoa Minisitry ny Filaminambahoaka, Ny Inspecteur Général de Police ERICK MICHEL, niaraka tamin’ireo tompon’andraikitra ambony sy ireo manam-boninahitra ao amin’ny Minisiteran’ny Filaminambahoaka ; tonga teny an-toerana ihany koa ny Ben’ny Tanànan’ny Kaominina Ambatomirahavavy sy ireo mpiara-miasa aminy.
– Zanakazo miisa 1 500 no nambolena izay nahitàna Acacia, Pin ary Olive.
– “Izay mamboly hazo, manome aina” ; araka izany dia mampiseho ho ohatra velona ho an’ny mpiray tanindrazana rehetra ny Polisimpirenena mba samy handray anjara amin’ny fambolen-kazo, ho famerenana an’i Madagasikara ho Nosy maitso.