🔷Ady amin’ny kolikoly
👮‍♂️ Ao anatin’ny fanatanterahana ireo teboka noraisina nandritra ny fikaonandoham-pirenena dia manohy ny ezaka amin’ny fanatsaràna ny fomba fiasa sy ny fanamafisana ny ady amin’ny kolikoly ny Ministeran’ny Filaminambahoaka.
🤝 Ho an’ny Fitaleavam-paritry ny Filaminambahoaka Analamanga dia nanatanteraka fivoriam-be tetsy amin’ny Kaomisaria Foibe Tsaralalàna, mikasika indrindra ny ady amin’ny kolikoly sy ny fanatsaràna ny fomba fiasa, ny Fitaleavana misahana ny fanadihadiana anatiny (DEI) sy ireo sampandraharaha misy ao amin’ny Fitalaevam-paritra voalaza teo ; ka nitarika izany ny Tale misahana ny Fanadihadiana anatiny eo anivon’ny Minisiteran’ny Filambahoaka, ny Contrôleur Général de Police RAKOTOMALALA Simon, sy ny Talem-paritry ny Filaminambahoaka Analamanga, ny Commissaire Divisionnaire de Police RAFALIMANANA Alain Adonis.
🎯 Ankoatran’ny paikady hanamafisana ny ady amin’ny kolikoly, dia noresahana ny fanentanana amin’ny fanajàna ny fitsipi-pitondran-tena mendrika eo anivon’ny Polisimpirenena ary ny fanatsaràna ny fomba fanatanterahana ny asa ho tombontsoan’ny vahoaka.
📢 Ho fanamoràna ny fifandraisana amin’ny vahoaka, dia napetraka ny birao fitorohana sy fampitana tranga izay hita ao amin’ny Fitaleavam-paritry ny Filaminambahoaka Analamanga, Kaomisaria Foibe Tsaralalàna, Kaomisaria foibe Avaradrano, Kaomisaria Foibe Antsimondrano ary ny Kaomisaria Foibe Ambohidratrimo ka natao handraisana ireo fitarainana sy soso-kevitra amin’ny fanatsaràna ny fomba fiasa izany.
🇲🇬 Tsy mijanona eto Antananarivo ihany ity hetsika fanatsarana ny fomba fiasa ity fa efa samy manao ny ezaka ireo Fitaleavam-paritry ny Filaminambahoaka manerana an’i Madagasikara.
🛡️ Manamafy hatrany ny fanoloran-tenany amin’ny ady amin’ny kolikoly, ny fisorohana ny tsy fandriampahalemana ary ny fanatsarana ny fifamoivoizana ny Polisimpirenena, ho fanamafisana ny fitokisan’ny vahoaka sy ny kalitaon’ny asa fanompoana.