Ady amin’ny fiparitahana sy fidorohana zava-mahadomelina
➡️Tratran’ny Polisy avy ao amin’ny sampandraharahan’ny Stup Anosy, teo am-pivarotana rongony izy roa lahy ireto, ny atoandron’ny 30 Jona 2025 teny Soavimasoandro.
➡️Efa maro ny fitarainana voarain’ny Polisimpirenena mikasika ny fiparitahan’ny zava-mahadomelina eny an-toerana, ka nisy paikady manokana napetraka nahafahana nisambotra azy ireo.
➡️Fehin-drongony milanja 05 kilao mahery niampy fonosana miisa 93 izay efa vonona ho amidy no tratra teny amin’izy ireo.
✅Nentina avy hatrany teny amin’ny biraon’ny Polisy izy ireo natao fanadihadiana. Niakatra fampanoavana ny Alarobia teo ary nidoboka eny Antanimora.