🇲🇬 Tontosa ny Alahady 19 Jolay 2026, tetsy Antsaham-pitifirana Ankatso, ny lanonam-pahatsiarovana ny faha-78 taona nanamarihana ny nitifirana ireo mahery fo Malagasy izay nitolona sy nanolotra ny ainy ho an’ny fahaleovantenan’i Madagasikara.
🕯️ Nisy ny fametrahana afom-pahatsiarovana sy fehezam-boninkazo teo amin’ny tsangambato fahatsiarovana an’i Lietnà RANDRIAMAROMANANA Albert, RAKOTONDRABE Samuel, RATSIZAFY Samuel Bekamisy, ary LEZOMA, izay namoy ny ainy voatifitry ny mpanjanaka noho ny fitiavan-tanindrazana sy ny fitakiana ny fahaleovantenan’i Madagasikara.
🎖️ Nitarika ny lanonana ny Praiminisitra, Lehiben’ny Governemanta, Mamitiana RAJAONARISON. Nanatrika izany ireo mpikambana maromaro anatin’ny governemanta, niaraka tamin’ny manam-pahefàna miaramila sy sivily.
👮‍♂️ Nisolo tena ny Minisitry ny Filaminambahoaka kosa ny Lehiben’ny Sampana Fitsirihana Anatiny eo enivon’ny Polisimpirenena, ny Contrôleur Général de Police MARINJAHA Vavitafika sy ny Tale Jeneraly Lefitry ny Polisimpirenena, ny Contrôleur Général de Police SERALY HERCULE, niaraka tamin’ireo tompon’andraikitra ambony eo anivon’ny Minisiteran’ny filaminambahoaka.
🏛️ Nofaranana tamin’ny fitsidihana ny tranoeva nampirantiana ny tantaran’ireo mahery fo sy ny tolona nataon’izy ireo ho an’ny fahaleovantenan’i Madagasikara ny lanonam-pahatsiarovana