👮‍♂️ Ady amin’ny tsy fandriam-pahalemana.
👉 Nahazo vaovao ny Polisimpirenena mikasika ny fisian’olona roalahy milaza fa mitondra masona olona manana toe-tena « varira » mipetraka ao amin’ny trano fandraisam-bahiny iray eny 67 Ha Atsimo.
👮‍♂️ Nidina ifotony avy hatrany ny Polisy avy ao amin’ny Kaomisaria Boriborintany fahafito 67 Ha, nanao ny vela-pandrika hisamborana azy ireo. Nandritra izany, dia tra-tehaka tao amin’ilay hotely ireo olona roa, ary nahatrarana voamaso anankiroa sy antsy lavalela iray teny amin’izy ireo.
📌 Taorian’izay dia nentina teny amin’ny Sampan-draharaha Miady amin’ny Heloka Bevava Anosy izy ireo, izay misahana ny famotorana momba ity raharaha ity.
⚖️ Mitohy ny fanadihadiana mba hamantarana ny niavian’ireo maso tratra teny amin’izy ireo sy ny mety ho fifandraisan’izy ireo amin’ny raharaha hafa.
✅ Ankasitrahana hatrany ireo mpanome vaovao ny mpitandro ny filaminana mba hahafahana misambotra ireo mpanao ratsy.