👮‍♂️ Ady amin’ny tsy fandriampahalemana
🚨 Lehilahy iray 32 taona no voasambotry ny Polisimpirenena miasa ao amin’ny komisaria Foibe Avaradrano, eny Sabotsy Namehana ny Alatsinainy 27 Aprily 2026 tokony ho tamin’ny 07 ora hariva, tratra nangarom-paosy tao anaty taxibe zotra H.
📱 Finday iray no nangalariny ary mbola tratra teny aminy nandritra ny fisavana azy. Tsara afina tao anaty bà kiraro ilay finday saingy tsy namelan’ny Polisy raha tsy hita.
✅ Ny tompon’ilay finday no nitoroka avy hatrany raha vao nandalo Polisy ilay taxibe ka efa noahiahiany ity mpangarom-paosy ity. Ny Polisy rahateo manao ny asany ho tamberin’andraikitra amin’ny vahoaka.
⚖️ Natolotra ny Fampanoavana ny Alakamisy 30 Aprily 2026 ity mpangaro-paosy ity ary nidoboka ao amin’ny fonjan’Avaradrano.