👮🏿Tsiahivina hatrany, na dia maro ireo efa mahatsapa, fa samy tompon’andraikitra avokoa ny mpampiasa lalana rehetra amin’ny hahafahana mampihena ny fitohanan’ny fifamoivoizana eto Andrenivohitra.
🚔 Noho izany indrindra dia tsy miraviravy tanana ny Polisimpirenena fa mikaroka ny vaha olana rehetra ary tsy mitsahatra manao fanentanana mba hampihena izany fitohanana izany, indrindra amin’ireo teboka mainty mampisy ny fitohanana.
✅ Anisan’ny paikady ampiasaina ny tari-dalana amin’ny fanabeazana sy fanentanana ary manasazy raha ilaina izany. Mila mahatsapa tena amin’ny fanajàna ny fitsipika sy lalàn’ny fifamoivoizana, eny fa hatramin’ny fifanajàna sy fifandeferana kosa anefa ny rehetra : na mpitondra fiara, na kodiaran-droa, na ny sarety, ny mpandeha an-tongotra sy ny mpivarotra manamorona ny arabe.