🚭Ady amin’ny fipariahana sy fidorohana zava-mahadomelina.
🚔 Lehilahy iray no voasambotry ny Polisimpirenena avy ao amin’ny kaomisaria boriboritany faha-02 Ambohijatovo noho ny resaka fivarotana sy fitanana zava-mahadomelina mahery vaika “Héroïne”, teny Miandrarivo Ambanidia, ny tolakandron’ny 02 Mey 2026.
🔍 Nisy ny fidinana ifotony nataon’ireo Polisy taorian’ny vaovao azo avy amina olona tsara sitra-po. Nahatratrarana fonosana fanafody navadika ho fitoerana héroïne, niaraka tamin’ny fonosana roa misy ilay zava-mahadomelina sy fitaovana fitahirizana izany tao an-tranony rehefa nosavaina. Niaiky moa ny tenany fa mpivarotra an’io zava-mahadomelina mahery vaika io.
🔃Tohin’ny hetsika hatrany, ny marainan’ny 03 Mey tokony tamin’ny 09 ora kosa, voasambotra teny Ambohipo ny lehilahy iray 25 taona sy vehivavy iray vadiny izay mpiray tsikombakomba aminy amin’ny resaka fitazonana sy fivarotana zava-mahadomelina mahery vaika hatrany. Mbola nahitana fitaovana mifandraika amin’izany moa tao aminy nandritra ny fisamborana.
🚔 Nentina teny anivon’ny kaomisaria izy ireo ho fanohizana ny fanadihadiana mikasika ity raharaha ity.
🗣️ Manentana hatrany ny rehetra ho sahy mitoroka ireto olon-dratsy mamosavy ny taranaka malagasy ireto. Ny Polisimpirenena dia mandray ny andraikiny feno mba ho fanafoanana azy ireny eny anivon’ny fiarahamonina.