– Rano sy vary amin’ny fametrahana fandriam-pahalemana maharitra ny mpitandro ny filaminana sy ireo vondrom-bahoakam-paritra eny ifotony, indrindra ny fokontany, hoy ny Minisitry ny Filaminambahoaka, ny Inspecteur Général de Police ERICK MICHEL raha nidina ifotony teny anivon’ireo fokontany teto Antananarivo ny alin’ny 04 Aogositra 2026.
– Araka izany, miantso an’ireo tompon’andraikitra eny ifotony amin’ny fanamafisana ny fiaraha-miasa ny Minisitry ny Filaminambahoaka ary notsindriany manokana ny fanomezam-baovao ho an’ny mpitandro ny filaminana amin’ireo olona mampiahiahy sy tranga mila ampahafantarina ny tompon’andraikitra.
– Andavambamba Anjezika I – II, Anatihazo Isotry, Antetezanafovoany ; izay isan’ireo faritra marefo amin’ny resaka tsy fandriam-pahalemana no notsidihana.
– Nisy ny tafa mivantana tamin’ireo lehibem-pokontany sy ny vaomieran’ny fandriam-pahalemana. Nanolotra fitaovana maro isan-karazany hahafahana manatanteraka ny andrimasom-pokonolona tamin’ireo fokontany ireo Andriamatoa Minisitra.
– Nanotrona an’Andriamatoa Minisitry ny Filaminambahoaka tamin’ity fidinana ifotony ity ihany koa ny lehiben’ny Distrika ao Antananarivo I, Andriamatoa ANDRIANANDRAINY Nantenaina.