🎉 Tonga nitsidika ireo tranoheva izay miranty ao amin’ny kermesin’ny Hery Fiarovana sy Filaminana ao amin’ny Kianja Barea Mahamasina ny Minisitry ny Filaminambahoaka, ny Inspecteur Général de Police ERICK MICHEL sy Ramatoa vadiny, ny Zoma 19 Jona 2026.
🎆Ity hetsika lehibe ity dia tafiditra ao anatin’ny fankalazana ny faha-66 taona niverenan’ny Fahaleovantenam-pirenena Malagasy.
🎭 Marihana fa efa nanomboka ny Sabotsy 13 Jona 2026 ity Kermesy ity ; maro ireo hetsika fialamboly sy fanabeazana azon’ny besinimaro sitrahana, toy ny fampisehoana samihafa maneho ny asa sy ny fahaiza-manaon’ny Hery Fiarovana sy Filaminana. Fotoana iray ihany koa ity ahafahan’ny olom-pirenena mifanerasera mivantana amin’ireo mpitandro ny filaminana sy mahafantatra bebe kokoa ny andraikiny amin’ny alalan’ireo tranoheva isan-tsokajiny.
🎨 Anisan’ny mampiavaka ity andiany ity ny fampisongadinana manokana ny kolontsaina Malagasy amin’ny alalan’ireo fampirantiana sy seho ara-kolontsaina maro samihafa.
🟢 Maimaim-poana ny fidirana ao amin’ny kermesin’ireo Hery Fiarovana sy Filaminana izay manomboka amin’ny 8 ora maraina hatramin’ny 8 ora alina.