📍 Noho ny vaovao azo avy amin’ny olona tsara sitrapo, dia nahatratra rongony miisa 30 fatorana ny Polisy ao amin’ny Kaomisarian’ny Filaminam-bahoaka Ambilobe, nandritra ny fisavana fiara fitateram-bahoaka teny amin’ny lalam-pirenena faha-6 (RN6), ny alin’ny 31 Jolay 2026. Voasambotra nandritra izany hetsika izany ny mpamily ilay fiara.
🚓 ⚖️ Nentina avy hatrany tao amin’ny Kaomisarian’ny Filaminam-bahoaka Ambilobe ilay olona voasambotra sy ireo rongony tratra, mba hanohizana ny fanadihadiana sy hanatanterahana ny dingana rehetra araka ny lalàna.
🚫 Manamafy hatrany ny Polisimpirenena fa hitohy tsy an-kijanona ny ady amin’ny fiparitahan’ny rongony sy ny zava-mahadomelina satria voaporofo fa isan’ny mahatonga ny herisetra sy asa ratsy isan-karazany eny amin’ny fiarahamonina ny fidorohana zava-mahadomelina.