🩸 Tontosa androany, 14 Septambra 2026, tao amin’ny Hopitaly HJRA Anosy, ny fanokafana ny Herinandro ho an’ny Fanomezan-drà eto anivon’ny Polisimpirenena izay ao anatin’ny hetsika fankalazana ny faha 65 taonan’ny Polisimpirenena malagasy.
👮‍♀️ Tonga nitarika izany Ramatoa Sekretera jereralin’ny Minisiteran’ny Filaminambahoaka, ny Contrôleur Général de Police RANJAVOLOLONA Julie Claudette, sy Andriamatoa Tale Jeneralin’ny Polisimpirenena, ny Contrôleur Général de Police TSARAMONINA Ravony Jean Victor, niaraka tamin’ireo tompon’Andraikitra ambony sy ireo Polisimpirenena tonga hanao ny fanomezan-drà.
🤝 Nisolo tena ny Minisitry ny Fahasalam-bahoaka ny Tale Jeneraly misahana ny Tolotra ara-pahasalamàna, ny Dr TOMBOFENO Jean Marc ka naneho ny fisaorana sy fankasitrahana ho an’ny Ministeran’ny Filaminambahoaka izy ireo, noho ny fahavononana sy ny fahafoizan-tena amin’ny famonjena ireo mpiara-belona.
➡️ Nanentana ny rehetra izy mba haka tahaka amin’ny Polisimpirenena amin’ny fanomezan-drà tahaka izao satria tsapa fa tena tsy ampy ny tahirin-drà eny anivon’ny Hopitaly.
🗣️ Nanamafy ihany koa Ramatoa Sekretera Jeneralin’ny Polisimpirenena, nandritra ny fandraisam-pitenenana nataony, fa isan’ny endrika iray amin’ny fanampiana ny mpiray Tanindrazana ny fanomezan-drà.
📢 Nanentana ny Polisimpirenena rehetra manerana ny Nosy izy mba handray anjara amin’ny hetsika fanomezan-drà.
Maharitra herinandro ny hetsika fanomezan-drà ataon’ny Polisimpirenena ary efa samy manataneraka izany ireo any amin’ny Fitaleavam-paritry ny Filaminambahoaka rehetra eran’i Madagasikara.
🩺 Nisy hiany koa ny fitiliana diabeta natao tao amin’ny Ministeran’ny Filaminambahoaka Anosy androany maraina ihany. Izany dia mba hahafahana manara-maso akaiky ny fahasalamàn’ireo mpiasam-panjakàna eo anivon’ny Polisimpirenena ka hahatonga azy ireo ho tomady sy vonona lalan-dava amin’ny asa ho an’ny mpiray Tanindrazana.
✅Hetsika maro samihafa no entina hanamarihana ny faha 65 taona nijoroan’ny Polisimpirenena malagasy mandritra ity volana Septambra ity.