👉 Ady amin’ny heloka bevava
👮‍♂️ Ny Talata 22 Septambra 2026 dia naharay antso ny Polisy noho ny fahitana fatin-dehilahy iray novonoina tamin’ny fomba feno habibiana tao an-tranony teny Anatihazo Isotry.
🔎 Raha ny fanadihadiana dia fantatra fa ny anabaviny sy ny sakaizan’io anabaviny io ihany no niray tsikombakomba tamin’ny famonoana azy ny alin’ny 21 Septambra 2026, noho ny fitiavan-tena diso tafahoatra, mba hahafahan’izy ireo manjaka irery amin’ny lova navelan’ny Ray aman-dReniny.
🎯 Efa nikasa hamono io anadahiny io ihany koa izy roa ireo teo aloha, tamin’ny alalan’ny fanomezana poizina, saingy tsy tanteraka izany.
🚔 Noho ny fikarohana nataon’ny Polisy misahana ny ady amin’ny heloka bevava sakelika faharoa (BC02) dia voasambotra ny Talata 22 Septambra 2026 teny Isotry ihany izy roa ireo.
📌 Nandritra ny fakana am-bavany azy ireo dia niaiky ny heloka bevava sy mamohehatra ity izy roa ireo.
⚖️ Natolotra ny fampanoavana ny Alatsinainy 28 Septambra 2026 izy roa ireo ary nidoboka am-ponja any Tsiafahy ilay lehilahy raha eny Antanimora kosa ilay vehivavy.