👉 Ady amin’ny heloka bevava sy fanenjehana ireo nahavanon-doza
👮‍♂️ Naharay fitoriana momba ny fahaverezana tovolahy roa ny Polisy ny 13 Septambra 2026. Niala tao an-tranony izy ireo ny 11 Septambra 2026 ary rehafa natao ny fikarohana dia hita faty tao amin’ny Reniranon’Ikopa, teny Tanjombato ny 15 sy 16 Septambra 2026.
🔎 Raha ny fanadihadiana dia Fantatra fa ny disadisa nateraky ny hasarotam-piaro diso tafahoatra no antony namonoana azy roalahy. Olon-tiany sy anadahin’ilay vehivavy iray niaraka tamin’izy ireo ny alin’ny 11 septambra 2026 moa ireo nahavanon-doza ireo.
🚔 Noho ny fanadihadiana nataon’ny Polisy misahana ny ady amin’ny heloka bevava, sakelika fahatelo (BC3), dia voasambotra tany Toamasina, izy roa lahy nahavanon-doza ny Sabotsy 19 Septambra 2026 rehefa nafenin’ny fianakaviany sy nalefany nitsoaka. Nandritra ny fakana am-bava dia niaiky izy ireo fa namono azy roalahy, ary hita tamin’ny horonantsary avy amin’ny fakantsary fanaraha-maso (caméra de surveillance) izy ireo nifampitarika.
⚖️ Voasambotra avokoa ireo olona niray tsikombakomba sy nanafina azy roalahy ireo ka natolotra ny fampanohavana ny Alarobia 23 septambra 2026 ary nidoboka am-ponja any Tsiafahy ny iray (01) ary eny Antanimora ny enina (06) amin’izy ireo