🚔 Tontosa teo anoloan’ny Kaomisarian’ny Boriboritany faha-2 Ambohijatovo, ny Alarobia 01 Jolay 2026, ny lanonana fanolorana ireo fitaovam-pitaterana nohavaozina sy ireo fitaovana vaovao. Anisan’izany ny moto vaovao, solosaina miaraka amin’ny « imprimante », izay hanamora ny fanatanterahana ny asa sy hanatsarana ny tolotra omena ny vahoaka eo amin’ny sehatry ny filaminana sy fandriam-pahalemana.
👮 Nanome voninahitra ny lanonana ny Tale Jeneralin’ ny Polisimpirenena, ny Contrôleur Général de Police TSARAMONINA Ravony Jean Victor, nisolo tena ny Minisitry ny Filaminambahoaka. Teny an-toerana ihany koa Andriamatoa RANDRIANARISOA Stanislas, Solombavam-bahoakan’i Madagasikara voafidy tao amin’ny Boriboritany faharoa, Andriamatoa RANDRIAMITSIRY José, lehiben’ny Distrika Antananarivo II, ary Andriamatoa RAKOTONIRINA Rijaniaina, Delegen’ny Boriborin-tany Antananarivo II.
🔧 Vokatry ny fiaraha-miasan’ny Kaomisaria CSP 02 Ambohijatovo sy ireo mpiara-miombon’antoka no nahafahana nanatsara ny fitaovana ampiasaina sy nahazoana fitaovana vaovao hanamafisana ny asa andavanandro izao.
🏢 Nohavaozina ihany koa ireo biraon’ny Vigie de Police ao Ambolokandrina, Ambohipo, Manakambahiny ary Mandroseza.